पत्रकारिताको रुपरेखा (२०५०)
पत्रकारिताको रूपरेखा पुस्तक कपिल लामिछाने, ऋषिराम भुसाल र पञ्चप्रसाद शर्माको सहलेखनमा तयार पारिएको हो । यो सर्वप्रथम विद्यार्थी पुस्तक पसल, बुटवलबाट २०५० सालमा तथा विद्यार्थी पुस्तक भण्डार, काठमाडौँबाट २०५३ मा दोस्रो, २०५९ मा तेस्रो र २०६१ मा चौथो संस्करण छापिएको हो । यसमा पत्रकारिताको परिचय, परिभाषा, महत्त्व, प्रकार र विधा, पत्रकारिताको उद्भव र विकास, नेपाली पत्रकारिताको इतिहास, समाचारको परिचय, परिभाषा र स्रोत, समाचार छनौट, समाचार लेखन, समाचार समिति, विश्वका केही समाचार समितिहरू, अनुच्छेद लेखन, टिप्पणी लेखन, रूपक, सम्पादकीय, पुस्तक समीक्षा, लेख समीक्षा, कार्यक्रम समीक्षा, सङ्क्षेपीकरण, समाचार सम्पादन, लेख र रचना सम्पादन, चिह्न परिचय र प्रयोग वर्णविन्यास र वाक्यगठनका नियमहरू, नेपालमा प्रेस कानुनको अवस्था, विज्ञापनको परिचय, प्रकार, प्रयोजन, महत्त्व, विज्ञापन लेखन जस्ता विषय समेटिएको छ । यिनमा कम्प्युटरबाट तयार परिएका आवरण चित्र रहेका छन् ।