म्याउ म्याउ बिरालो
म्याउँ म्याउँ बिरालो २०६० सालमा प्रकाशित भएको हो । यसलाई रुम टु रिडले प्रकाशन गरेको हो । यो चित्रकथा लामिछानेको प्रकाशित पहिलो चित्रकथा हो भने प्रकाशित दसौँ कृति पनि हो । यसमा बलभन्दा बुद्धि, युक्ति र उपायका माध्यमबाट जटिलभन्दा जटिल समस्या समाधान गर्न सकिने, सदैव सचेत, सावधान रहनु पर्ने जस्ता विषयलाई संवादात्मक शैलीमा प्रस्तुत गरिएको छ । यो कृति सरल सहज भाषाले उत्कृष्ट बन्न पुगेको छ । यो नेपाली र अङ्ग्रेजी दुवै भाषामा छ । पहिलो संस्करणमै यो दस हजार प्रति छापिएको हो । यसमा रहेका चित्रहरू राजुबाबु शाक्य र शशि शाहद्वारा चित्राङ्कन गरिएका हुन् । यसको सम्पादन महादेव अवस्थीबाट भएको छ ।