भाँडाकुटी रत्न पुस्तक भण्डारबाट पहिलोपटक २०५८ सालमा प्रकाशित बालकथासङ्ग्रह हो । यसमा ‘भाँडाकुटी’, ‘आफ्नै ठाउँ’, ‘टु वान जा टु’, ‘'साहसको फल’, ‘प्रकृतिको नियम’, ‘पुतली खेल’ र ‘बरु मलाई साइकल चाहिँदैन’ गरी सात बालकथा रहेका छन् । यी बालकथामा इमान्दारी, अनुशासन, मिहिनेत, साहस, कर्तव्य, देशप्रेम आदिको सञ्चार गर्दै सकारात्मक सन्देश दिइएको छ । यसका २०६६ मा सात संस्करण प्रकाशित भएका हुन् भने अहिलेसम्म यो दर्जनौँपटक प्रकाशित भइसकेको छ । यसमा एकारामका चित्र रहेका छन् ।