ठुलो मान्छे
ठुलो मान्छे एउटा बालउपन्यास हो । यसलाई २०६३ सालमा साझा प्रकाशनले छापेको हो । उपन्यासको कथावस्तु मुख्य पात्र अरुणको सेरोफेरोमा घुमेको छ । अरुणको बालमस्तिष्कलाई मलजल गर्ने काम मिस, डकर्मी, चित्रकार, क्रिकेट छनोट प्रतियोगिताबाट भएको छ । यस उपन्यासमा आफ्नै आमाबाट ठुलो मान्छे बन्नु पर्दछ भन्ने शिक्षा पाएपछि बालमनले त्यसको अर्थ बुझ्न नसक्दा अरुणमा एक किसिमको हलचल पैदा भई समस्या आइपरेको देखाइएको छ । यस उपन्यासमा अरुणका मानसिक चिन्तन, उन्मुक्त, मनोदशा र तृष्णा वितृष्णाका यावत् पक्षहरूको परिपूरणको अभावमा झन्नै अचेतनमा पुगेको अवस्था देखिन्छ । बालबालिकाको स्वभाव, रुचि, स्तर अनुसार मिल्ने गरी विषयवस्तु समेटेर तयार पारिएको यो उपन्यास केटाकेटीहरूले पढ्नै पर्ने उपन्यास हो । बालबालिकाहरू जिज्ञासु र कल्पनाशील हुन्छन् र उनीहरूलाई शान्त पारिदिनु र सही मार्ग निर्देशन गरिदिनुपर्दछ । यस उपन्यासमाा शान्ता हिताङका चित्र रहेका छन् ।