समालोचनाको सोपान
समालोचनाको सोपान २०६८ मा जुही प्रकाशन, झापाबाट प्रकाशित भएको हो । यसमा तेह्र शीर्षकका समालोचना छन् । यसमा ‘नेपाली साहित्यमा शकुन्तलोपाख्यान’, ‘प्रगतिवादी नेपाली नाटक परम्परा र प्रवृत्ति’, ‘पचास रुपियाँको तमसुक नाटकको विश्लेषण र मूल्याङ्कन’, ‘अविरल बग्दछ इन्द्रावतीमा प्रयुक्त टुक्काको सर्वेक्षण र विश्लेषण’, ‘कविता पौडेलको आमाहरू उपन्यास ः युद्धविभीषिकाको अभिलेख’, ‘चूडामणि रेग्मीको हास्यव्यङ्ग्यकारिता’, ‘विश्व शाक्यको व्यङ्ग्य चिन्तन’, ‘साहित्यकार मोदनाथ शास्त्रीका रचनामा प्रगतिवादी पुट’, ‘घनश्याम न्यौपाने परिश्रमीको गजलको अन्तर्वस्तु‘, ’मुरारि पराजुलीको हाँसेर उसका ओठलेभित्रको रूपरचना’, ‘बाटुली पत्रकाव्यमा सम्भाव्य सुखद भविष्यको परिकल्पना’, ‘पसिनाको संगीत र जीवनको गीतको अन्तर्वस्तु र शिल्परचना’, ‘अलिमियाँ खण्डकाव्यमा अलिमियाँको खोजी’ रहेका छन् । यिनमा स्रष्टा र तिनका कृतिका बारेमा टिकाटिप्पणी गर्ने, अर्थ लगाउने, व्याख्या, विश्लेषण र मूल्याङ्कन गर्ने काम भएको छ । यो कृति नेपाली साहित्य र समालोचनामा रुचि राख्ने जोसुकैलाई पनि राम्रो खुराक बनेको छ ।