कर्मले बने बुद्ध चित्रकथा बालसंसार प्रा.लि.बाट २०६७ सालमा प्रकाशित भएको हो । संसारमा समय समयमा विशिष्ट महापुरुषहरूको जन्म भइरहन्छ । गौतम बुद्ध पनि त्यस्तै महापुरुष हुन् । उनले संसारलाई शान्ति र सहिष्णुताको बाटोमा हिँडाउन ठुलो त्याग तपस्या र मिहिनेत गरेका छन् । आज विश्वले बुद्धलाई श्रद्धा र सम्मानका साथ चिन्दछ भन्दै यहाँ बुद्धको जन्मदेखि महापरिनिर्वाणसम्मका मुख्य मुख्य क्रियाकलाप र चिन्तनलाई प्रस्तुत गरिएको छ । यो चित्रकथा नेपालको गौरव शान्तिका अग्रदूत राष्ट्रिय विभूति गौतम बुद्धको जीवनगाथालाई नेपाली बालबालिकाको लागि अत्यन्त उपयोगी हुने देखिन्छ । यसका चित्र ईशान पारियारले तयार पारेका हुन् ।